საკითხავი მასალა
ჟურნალის კიდევ ერთ, მეოთხე ნომერს გთავაზობთ. ტრადიციას არ ვღალატობთ და ვცდილობთ ლიტერატურის სწავლების აქტუალურ საკითხებზე დაგაფიქროთ. სწორედ მასწავლებელთა საჭიროებებმა გვიკარნახა ახალი რუბრიკა „ლირიკული ნაწარმოებების სწავლებისათვის“, რომელშიც თქვენთვის კარგად ცნობილი ავტორები – ლევან ბრეგაძე, გია მურღულია და ზაალ ჩხეიძე – საინტერესო მოსაზრებებს შემოგვთავაზებენ პოეზიის სწავლების პრობლემებსა და მნიშვნელობაზე, ამავდროულად, რამდენიმე ლექსის მხატვრულ სამყაროში გვამოგზაურებენ.
