ტელესკოლისა და სტუდია “ლუთორის” ერთობლივი პროექტი “როგორ გავაკეთოთ” მაყურებელს სხვადასხვა ხერხითა და ხელმისაწვდომი მასალებით დეკორატიული ნივთების გაკეთებას სთავაზობს. გადაცემის რესურსად გამოყენება მაშინ არის შესაძლებელი, როდესაც გაკვეთილი დეკორატიულ-გამოყენებით ხელოვნებას შეეხება.

რესურსის პრაქტიკული დანიშნულება: გადაცემაში ნაჩვენებია, თუ როგორ არის შესაძლებელი დრეკადი მავთულის, ბრტყელტუჩას, ბადისებრი, ე.წ. წულის ნაჭრის, ნემსისა და ძაფის გამოყენებით ბალერინების ფიგურების გაკეთება. დამხმარე რესურსად ვიდეოს გამოყენება შესაძლებელია საბაზო საფეხურზე.